O CONCURSO DO DINAMIZADORX

A éste blog, para ser a repera limonera, só lle faltaba un concurso, e aquí o temos.

O primeiro concurso do Dinamizador x, convocado co ilustre motivo de festexar os fastos do noso primeiro aniversario. Si amigas e amigos, o tempo voa, e cando nos pregunten, xa podemos levantar o dediño coma fan os pequerrechos. (o íiindice, malpensad@s!)

Se vos apetece e queredes gañar unha fantabulosa camiseta do dinamizador x, repito, unha fantabulosa , super- hiper- mega exclusiva camiseta que te cagas, non dubidedes en participar.

O que tendes que facer é moi sinxelo. Supoño que todas e todos coñeceredes o noso benquerido logo, ese símbolo que nos acompaña no noso quefacer diario e só nos falta levar estampado na fronte, ou tatuado nunha cacha, para sentirnos dinamizadoras e dinamizadores 100%.

Vamos, coma a tenreira galega, "dinamizadores de Galicia, dinamizadores de calidade; rexeite imitacións".

Ben, pois anque a nosa querida man abstracta, suxeitando un rato inexistente é única, dende o dinamizador x, pensamos que non é inimitable, e niso consiste o concurso. Queremos que nos enviedes outros logotipos o máis semellantes posible ao noso. Bueno a ver!, polo menos que teña unha man de protagonista, tampouco vos matedes.

O caso é que o logo que máis se asemelle ao noso será o que gañe ésta competición.
Buscade por ahí, por onde se vos ocorra, pero participade, mirade que a camiseta merece a pena, non é calquera cousa; digamos que formará parte dunha edición extralimitada, porque, sexamos sinceros, non é que no dinamizador X andemos moi bollantes.

Pois ala, mandade os vosos descubrimentos a: damadocastro@gmail.com, o prazo de admisión remata... de hoxe nun mes.
SORTE A TODAS E TODOS!!