DinamizadorX - Tira Comica

Tira 28 - Vixiancia continua.



Pulsa na Imaxe para agrandala

Ata o carallo

DinamizadorX - Tira Comica

Tira 27 - Nova iniciativa



Pulsa na Imaxe para agrandala

E a tira cómica deixou de facer gracia

Dende este blog queremos pedir desculpas pola nosa última tira cómica.
Sabiamos que tiñamos moita influenza nas tomas de decisións que se están a levar a cabo dende a rede, o que non sabiamos era que son tan susceptibles e rápidas a hora de tomar medidas.
O martes 17 publicamos a última tira cómica e un día despois, repito, un día despois asombrosamente aparece un correo da nosa ben querida compañeira Marga dándonos instrucións co obxectivo de acadar mellores números.
Parece que levamos dous anos facendo mal o noso traballo ou, o que é o mesmo, rañándoa, porque de repente temos que facer ao mes 3 obradoiros con temáticas distintas, 30 horas de formación con 15 usuarios mínimo, unha actividade de difusión e tres iniciativas ao ano.
En fin, que enganados nos tiveron este último mes. Pensabamos que a Rede ía ir ao cacho, pois non, a perda electoral lles serviu para coller folgos e esixirnos máis números para poder salvar dese xeito os seus valiosos cus.
Pregúntome eu, que pasaría se de repente durante un tempo, digamos un mes, ningún de nós fixera absolutamente nada. Sería ese o xeito de nos facer valorar? ... O que está claro é que as explicacións sobre eses números que nós non obteriamos teríanas que dar dende Coordinación e... a quen??? Neste momento de incerteza está claro que non somos nós os primeiros perxudicados. Teñen medo de non dar a talla e tentan demostrar a súa valía como equipo organizativo?.
O que está claro é que despois de dous anos seguen sen ter en conta as realidades sociodemográficas dos concellos onde nos atopamos os dinamizadores e as necesidades dos usuarios.
Dentro de pouco haberá cambios nos mandos, será entón o principio do fin?.

DinamizadorX - Tira Comica

Tira 26 - Reunion urxente



Pulsa na Imaxe para agrandala

Manifestacion maña 17 de Marzo

Apoia os estudiantes e profesionais da Enxeñeria Informatica.

Por unha regulación digna para tod@s

DinamizadorX - Tira Comica

Tira 25 - Teremos que facer algo



Pulsa na Imaxe para agrandala

DinamizadorX - Tira Comica

Tira 23 - Problemas

Tira 24 - O primeiro que facer

Pulsa nunha Imaxe para agrandala

Que decir que non se dixera.

Que podo escribir eu aquí que o meu ben querido amigo e compañeiro Casper non dixera, con moita sensatez e sentido común por certo. A electoralidade dos nosos traballos, que somos unha manobra propagandística pero todo iso xa o sabemos todos.

Pero estade "tranquilos" amigos non tremer, non sufrir non pensedes que porque o PP volvese ó goberno de Galicia ides perder os vosos traballos, polo menos non por agora. Recordade que tendes uns convenios firmados, que ese tipo de cousas non se poden cortar polo san tan facilmente.

Pero amigas e amigos dinamizadores, como en todo na vida, non sempre chove a gusto de todos (non digo que o PP me guste, solo tendes que repasar tiras anteriores) pero dáme a min que uns cantos vanse mollar un pouquiño mais, si estou falando das nosas amigas de coordinación.

Non vos equivocar eu nunca me alegraría de que alguén perdese o seu traballo, non son dese tipo de "persoas", pero dende logo seguro que agora mesmo teñen que estar a notar o mesmo que notamos nós fai un tempo, antes da renovación do contrato e durante a espera de cando nos colleu a Fundación, que rápido cambian as cousas verdade. Agora somos nos os que medianamente podemos estar tranquilos e dáme que son elas as que tremen. Aínda que supoño que a unhas profesionais coma elas non lles será complicado xustificar o seu traballo, sentarse nunha mesa e falar cos seus novos xefes e contarlles de todo o que trata a Rede é o seu traballo, espero que o novo Goberno da Xunta non sexa demasiado conservador e comprenda que isto e polo ven de GaliZa.

Aínda que non creo que sexan elas solas as que treman, porque o da Fundación tamén ten tela, imaxínome como será o ultimo mes pero vouno refexar nunha tira cómica que me inspirou Casper. 

E como será o próximo mes para nos os Dinamizadores, cantas cousas teremos que cambiar, os tipos de comunicados a prensa, as normas lingüísticas, iso de favorecer a Concellos do Bloque, pero bueno, somos intelixentes seguro que saberemos adaptarnos, de todas formas os que nunca fomos de bailar ca musica de ninguén seguiremos igual, e os que danzades o son do que mais canta seguro que aprenderedes os novos pasos (si isto vai por ti que te das por aludid@, e non te vas quedar sen tira cómica). O final todo se sabe amigos meus, recordadeo.

Agora e cando seguramente penses que son un falso e todo iso (si segue indo por ti aludid@) pero recorda que xa cho teño comentado, que falei con tigo de isto varias veces, que non tiro a pedra e agocho a man, todo o que aquí poño díxencho aquel dia diante da cara. Espero que o recordes e que recordes tamén que eu non son o inimigo, eu son so un simple reflexo de todos os erros que cometiches durante todo este tempo, nacín o dia que cometiches o primeiro erro e rematarei o dia que cometas o ultimo.

E agora...¿que?

Onte houbo eleccións ao Parlamento de Galicia e, para a nosa sorpresa e para a de moitos, houbo trocos bastante importantes para Galicia en xeral e para nós en particular.
E de iso vai este artigo, ¿cal será a repercusión dos resultados electorais na Rede de Dinamización?
A ninguén se lle escapa que A Rede é un proxecto político, proxecto que leva a Consellería de Innovación e Industria, xestionada polo momento e non por moito tempo polo BNG.
Isto quere dicir que cando o Partido Popular tome posesión do goberno tomará tamén a Consellería e nela se atopará cunha Rede de Dinamización xa posta en marcha, imos supoñer que ninguén parará todo isto antes por despecho.
Eu personalmente coido que na política ninguén asume un éxito do seu rival, e que o PP conserve a Rede sería asumir que a idea do BNG foi boa, xa vos digo este tipo de recoñecementos coido non existen na política galega actual. Esta sería a parte negra do asunto.
A parte positiva somos unha vez máis, nós, os dinamizadores, os nosos números nos avalan e moitos concellos xa teñen asinados convenios coa Consellería de Innovación e Industria que se prolongan por todo este ano. Ademáis, aínda que o proxecto é político, os dinamizadores somos apolíticos, currantes que facemos o noso traballo e non pedimos o voto para ninguén. Todo isto, pensamos, nos da unha marxe para a esperanza e abriría outra posibilidade; a de que o Partido Popular conte coa Rede ata decembro deste ano.
Iso, por suposto, sería unha grandísima nova xa que nos brindaría a posibilidade de seguir traballando e seguir facendo ver que o noso traballo non so é útil, senón que agora mesmo é necesario. Aos políticos tamén lles gusta moito presumir de números e nós damos uns cantos, por apolíticos que somos danos igual quen os explote, ou polo menos a min.
O que ninguén dubida é que vai haber trocos, Conselleiros, Directores Xerais... e demáis postos políticos, agardemos que non se tomen os nosos como iso, postos políticos.